Download

Arabic Font إسمع مني أمثال و كلام إسمع منى عن الأحلام بعد ماتسمع عايزك تحلم تحلم صاحى ولما تنام وإعمل جهدك وإتعب حقق كل أحلامك بلا أوهام ربك خلق الدنيا بحالها بكل مافيها ف 6 أيام إحلم وإحلم وإحلم أكتر وإوعاك حلمك يبقى كابوس إحلم قبل الحلم مايغلى لو فاكر حلمك بفلوس إحلم وإعمل وأصبر وإتقل مهما كان الحلم بعيد رح يجي يوم وتحقق حلمك الأحلام ملهاش مواعيد مين قال يا ابني احلم علي قدك خلى الحلم مالوهش حدود وأوعي حلمك بس يشدك يبعد بيك عن كل وجود في إللي بيرضى بالموجود ويعيش ولا بيهمه الأمر واللى بيحلم بالمفروض بس مالوش على حلمه الصبر وإللى يصر يحقق حلمه حتى ولو ينحت فى الصخر فيه إللي حلمه إبتدى بسيجاره كلنا عارفين بإيه بيحشيها يقعد يحلم بس خساره يخلص حلمه أما يطفيها فيه اللى بيحلم يبني يعمر وإللى في حلمه نفسه يهد واللى فحلمه عامل عنتر وإللى يخاف من حلمه بجد عجزت كبرت أنا لسه صغير لأده أنا ست ماتحلم إنت أصلي ضعيف وأكيد مش حقدر سيبني فحالي معنديش واسطه ده حاجات بنقولها ولا نفكر وحجج بايته وكله أونطه لو هاتحاول مره تجرب أحلامك حتشوفها العين إحلم صاحي وإحلم نايم إحلم و فكلتا الحالتين عمرك كنت تصدق حديدة بيك تطير بدأت حلم وفكرة جديدة ليه مايكونلي جناح وأطير لو حد كان قالك من ميت سنه أوحتى متين فيه شئ إسمه الطيارة وزي العصفورة بجناحين تطير تسافر بيك وإنت وعيلتك فيها قاعدين قالو الناس مجنون رد و قال لأ إنتوا العاقلين الحقيقة هو العاقل الأفكار هي المجانين اللى عملها يفرق إيه عنك عن السامعين كان واحد زيك يعني مالوش أربع رجلين آو عين واحده ف وسط دماغه أو فوق راسه فيه قرنين فرق واحد بينكو مخه ماكانش تخين فيه إللي بيحلم يلعب كوره فيه تريكه يقفل ماتش ومصطفى من غير رجلين وعدى سباحه المانش وزويل حلمه بفمتو الثانيه جابله نوبيل وش قوم وإحلم وإعمل وإوعاك تقول مايتحققش قوي العزيمه صدقني ربك مبيخذلش لوهاتحاول مره تجرب أحلامك هاتشوفها العين إحلم صاحي وإحلم نايم إحلم و فكلتا الحالتين مش كفايه بس تحلم مش مهم الحلم إيه المهم تتعب تحقق كل اللى إنت حلمت بيه قوم إنحت فى الصخر و حقق حلمك قوم إنحت فى الصخر و حقق حلمك قوم إنحت فى الصخر و حقق حلمك